Oğuz rayonunda qanunsuz ağac kəsimi ilə bağlı fakt aşkarlanıb.
Shimal.News xəbər verir ki, rayonun Sincan kəndi ərazisində 14 ədəd qızılağac və qovaq ağacının qanunsuz şəkildə kəsildiyi müəyyən olunub.
Araşdırmalar zamanı təbiətə 5 min manatdan artıq maddi ziyan vurulduğu bildirilib.
Polis əməkdaşlarının həyata keçirdiyi əməliyyat-axtarış tədbirləri nəticəsində ağacları kəsməkdə şübhəli bilinən kənd sakini, 30 yaşlı Abdulhafiz Bəşirli saxlanılıb.
Faktla bağlı Oğuz Rayon Polis Şöbəsində Cinayət Məcəlləsinin müvafiq maddəsi ilə cinayət işi başlanılıb, araşdırmalar davam etdirilir.
