Oğuz rayonunun Calud kəndində bıçaqlanma hadisəsi olub.
Lent.az-ın məlumatına görə, evə sərxoş halda gələn 40 yaşlı E. Qasımov qardaşı ilə mübahisə edib. Mübahisə zamanı o, bıçaqla qardaşının belinə zərbə vurub.
Nəticədə E. Qasımov saxlanılıb və barəsində cinayət işi açılıb. İstintaq zamanı təqsirləndirilən və zərərçəkən şəxslər barışdıqlarını və dəymiş ziyanın ödənildiyini bildirərək, cinayət təqibinə xitam verilməsini istəyiblər.
Oğuz rayon Məhkəməsinin qərarı ilə cinayət təqibinə xitam verilib və E. Qasımov məsuliyyətdən azad edilib.
