Oğuz rayonunda yağan güclü yağışlar fəsadlara səbəb olub.
Shimal.News xəbər verir ki, dünən axşam saatlarında rayonun Mollalı kəndindən keçən Türyançay çayına güclü sel gəlib. Nəticədə çay üzərində yerləşən körpü sel sularının təsirindən tamamilə yararsız vəziyyətə düşərək dağılıb.
Hadisədən sonra Mollalı kənd sakinlərinin rayon mərkəzi ilə əlaqəsi məhdudlaşıb. Kəndə giriş-çıxışda ciddi çətinlik yaranıb.
Əraziyə aidiyyəti qurumların əməkdaşları və texnikalar cəlb olunub.
