Qaraməryəm-İsmayıllı-Şəki avtomobil yolunun Oğuzun Kərimli kəndi ərazisindən keçən hissəsində yol-nəqliyyat hadisəsi baş verib.
Azərtac-ın məlumatına görə, Oğuz şəhər sakini 35 yaşlı Fərhad Rzalının idarə etdiyi "HUNDAİ" markalı avtomobil hərəkətdə olarkən idarəetməni itirməsi səbəbindən maşın yol kənarındakı ağaca çırpılıb.
Qəza nəticəsində sürücü və avtomobildə olan sərnişinlər, 65 yaşlı Şamama Rzayeva, 33 yaşlı Bahar Rzalı və 6 yaşlı Tuncay Rzalı müxtəlif dərəcəli bədən xəsarətləri alıblar. Yaralılar təcili tibbi yardım briqadasının köməyi ilə Oğuz Rayon Mərkəzi Xəstəxanasına yerləşdiriliblər. Onlara ilkin tibbi yardım göstərilib.
Faktla bağlı araşdırma aparılır.
