Oğuz rayonunda 33 yaşlı kişi iş yoldaşına xəsarət yetirib.
Demokrat.az-ın məlumatına görə, hadisə rayonun Dədə Qorqud küçəsində baş verib. 1993-cü il təvəllüdlü Tahir şəxsi münasibətlər zəminində yaranan mübahisə zamanı iş yoldaşı Vüsalın (adlar şərtidir) sol sifət və ayaq nahiyələrinə bir neçə dəfə yumruq və təpiklə vuraraq ona müxtəlif dərəcəli bədən xəsarətləri yetirib.
Tahirin barəsində Cinayət Məcəlləsinin 128-ci maddəsi ilə ittiham irəli sürülüb. O, ifadəsində özünü təqsirli bildiyini deyib.
Təqsirləndirilən şəxs bildirib ki, hadisə zamanı sərxoş olub və etdiklərini tam xatırlamır.
Zərərçəkmiş Vüsal isə qeyd edib ki, aralarında əvvəllər heç bir mübahisə olmayıb.
Oğuz Rayon Məhkəməsinin qərarına əsasən, Milli Məclisin 19 dekabr 2025-ci il tarixli amnistiya aktı tətbiq olunub və təqsirləndirilən şəxs cinayət məsuliyyətindən azad edilib. Onun barəsində cinayət təqibinə xitam verilib.
