İranda yol-nəqliyyat qəzasında həyatını itirən Azərbaycanın Təbriz şəhərindəki konsulu Ramil İmranov son mənzilə yola salınıb.
Shimal.News xəbər verir ki, diplomat doğulduğu İsmayıllı rayonunun Alxasava kəndində dəfn olunub. Vida mərasimində mərhumun ailə üzvləri, yaxınları, rayon ictimaiyyətinin nümayəndələri və dövlət rəsmiləri iştirak ediblər.
Qeyd edək ki, Ramil İmranov iki gün əvvəl xidməti vəzifəsini yerinə yetirərkən faciəvi şəkildə dünyasını dəyişib. Hadisə İran ərazisində Culfa–Təbriz avtomobil yolunun Mərənd qəsəbəsi yaxınlığından keçən hissəsində baş verib. Diplomatın olduğu avtomobilin ağır yol qəzasına düşdüyü bildirilir.
Hadisənin başvermə səbəbləri ilə bağlı araşdırmalar davam etdirilir.
