Şəki şəhərində səhər saatlarında yol-nəqliyyat hadisəsi qeydə alınıb.
Shimal.News-un məlumatına görə, M. F. Axundov küçəsində "VAZ-2106" və "Opel" markalı avtomobillər toqquşub.
Hadisə nəticəsində bir nəfər yüngül xəsarət alıb. Yaralı, 28 yaşlı kişi Şəki Rayon Mərkəzi Xəstəxanasına çatdırılıb və ona ilkin tibbi yardım göstərilib.
Həkimlər bildiriblər ki, xəstənin hər iki əlində sıyrılmış yaralar və sağ diz nahiyəsində səthi travma aşkarlanıb, ona zəruri tibbi xidmət göstərilib.
Hazırda pasiyentin vəziyyəti stabildir və müalicəsi davam etdirilir.
Faktla bağlı araşdırma aparılır.
