Göyçay şəhərində üç avtomobilin toqquşması nəticəsində zəncirvari yol-nəqliyyat hadisəsi baş verib.
Məlumata görə, qəza Heydər Əliyev prospektində qeydə alınıb.
Bildirilir ki, VAZ-2107, VAZ-2105 və "Hyundai Sonata" markalı avtomobillər toqquşub.
Qəza nəticəsində 6 nəfər – 2011-ci il təvəllüdlü Sabir Nəsibli, 1991-ci il təvəllüdlü Fidan Nəsibova, 1995-ci il təvəllüdlü Mansur Babazadə, 1992-ci il təvəllüdlü Tural İbrahimov, 2007-ci il təvəllüdlü Mirəli Zeynalov və 2009-cu il təvəllüdlü Nuray Nəsibli xəsarət alıb.
Yaralılar ilkin tibbi yardımdan sonra Göyçay Rayon Mərkəzi Xəstəxanasına aparılıblar.
Faktla bağlı araşdırma aparılır.
Mənbə: Report.az
