Şəki Ağır Cinayətlər Məhkəməsində yol qəzası törətməkdə təqsirləndirilən Valeh Xankişiyevin cinayət işi üzrə məhkəmə istintaqı başa çatıb.
Pravda.az-ın məlumatına görə, hakim Xaliq Məmmədovun sədrliyi ilə keçirilən prosesdə hökm elan olunub.
Məhkəmənin hökmünə əsasən, Valeh Xankişiyev 6 il müddətinə azadlıqdan məhrum edilib.
İttihama görə, hadisə 1 avqust 2024-cü il saat 01:41 radələrində Ağdaş şəhəri ərazisində baş verib.
Belə ki, Valeh Xankişiyevin idarə etdiyi "VAZ-2106" markalı avtomobil idarəetmədən çıxaraq ağaca çırpılıb.
Nəticədə nəqliyyat vasitəsində olan sərnişin, 2003-cü il təvəllüdlü Elton Müşviq oğlu Hüseynov aldığı xəsarətlərdən hadisə yerində dünyasını dəyişib. Sürücü və daha üç sərnişin isə müxtəlif bədən xəsarətləri alaraq xəstəxanaya yerləşdiriliblər.
Hadisədən sonra Valeh Xankişiyev saxlanılıb və barəsində həbs qətimkan tədbiri seçilib.
İttiham aktında qeyd olunub ki, qəza zamanı sürücü sərxoş vəziyyətdə olub.
