Balakən rayonunda qazi ailəsinə qarşı dələduzluq hadisəsi baş verib.
Lent.az-ın məlumatına görə, MMC rəhbəri olan 39 yaşlı qadın qazinin atasına oğlunu məktəbdə gözətçi vəzifəsinə düzəldəcəyi vədi verərək ondan 3500 manat pul alıb.
İttihama əsasən, qadın əvvəlcə 3000 manat, daha sonra əlavə 500 manat qəbul edib. Lakin vəd yerinə yetirilməyib və zərərçəkən işlə təmin olunmayıb.
Zərərçəkənin müraciəti əsasında qadın saxlanılıb və barəsində dələduzluq maddəsi ilə cinayət işi başlanıb.
Təqsirləndirilən şəxs isə pulun tam qaytarıldığını bildirərək barəsində amnistiya tətbiq olunmasını xahiş edib.
İstintaq zamanı 3500 manatın zərərçəkənə geri qaytarıldığı məlum olub.
Məhkəmənin qərarı ilə qadın barəsində amnistiya aktı tətbiq olunaraq cinayət məsuliyyətindən azad edilib.
