Balakən və Zaqatala rayonlarında yağan intensiv yağışlar sel fəsadlarına səbəb olub.
Shimal.News xəbər verir ki, dünən axşam saatlarından başlayan güclü yağıntılar nəticəsində Böyük Qafqazdan axan çaylarda suyun səviyyəsi kəskin yüksəlib.
Sel suları Zaqatala və Balakənin bir sıra yaşayış məntəqələrində həyətyanı sahələri basıb. Nəticədə evlərə, əkin sahələrinə və meyvə bağlarına ziyan dəyib.
Hazırda sakinlər selin fəsadlarını aradan qaldırmağa çalışırlar. Onlar yaranmış vəziyyətlə əlaqədar aidiyyəti dövlət qurumlarından köməklik göstərilməsini xahiş edirlər.
Hadisənin vurduğu ziyanın həcmi dəqiqləşdirilir.
