Balakən rayonundan olan üç nəfər Bakının Xətai rayonunda bıçaqlanıb.
Məlumata görə, hadisə Əhmədli qəsəbəsində yerləşən fərdi yaşayış evlərindən birində baş verib. 1988-ci il təvəllüdlü Elnur Xocaxov, 1986-cı il təvəllüdlü Vidadi Bubuşov və 1983-cü il təvəllüdlü Sərvər Kərimov kirayə yaşadıqları evdə bıçaq xəsarətləri alıblar.
Yaralılar xəstəxanaya yerləşdirilib.
İlkin araşdırma zamanı onların evdə birlikdə kirayə qaldıqları şəxs tərəfindən bıçaqlandıqları müəyyənləşib.
Bildirilir ki, hadisədən əvvəl evdə yeyib-içən şəxslər arasında mübahisə yaranıb. Mübahisə daha sonra bıçaqlanma ilə nəticələnib.
Polis əməkdaşları şübhəli bilinən, əvvəllər məhkum olunmuş 1989-cu il təvəllüdlü Murad Quliyevi saxlayaraq istintaqa təhvil veriblər.
Faktla bağlı araşdırma aparılır.
Mənbə: Teleqraf.az
