Bakı-Şamaxı avtomobil yolunda təhlükəli hadisə baş verib.
Bununla bağlı bloqer Nigar Fərzəliyeva paylaşım edib. Bloqerin paylaşdığı görüntülərə görə, hərəkətdə olarkən qarşı istiqamətdən gələn avtomobilin təkəri yerindən çıxaraq yola düşüb və onun "Range Rover" markalı avtomobilinə çırpılıb. Nəticədə avtomobilin sağ hissəsinə ciddi ziyan dəyib.
Hadisə zamanı avtomobili bloqerin özü idarə etməyib. Xoşbəxtlikdən xəsarət alan olmayıb.
Qeyd edək ki, bloqer bildirib ki, bu, həmin avtomobilin qısa müddətdə üzləşdiyi ikinci xoşagəlməz hadisədir. Daha əvvəl də maşın ölkəyə gətirilərkən yük avtomobilindən düşən daş ön şüşəsini zədələyib.
