Bakı–Quba–Rusiya Federasiyası sərhədi avtomobil yolunda yol-nəqliyyat hadisəsi baş verib.
AZƏRTAC-ın məlumatına görə, Siyəzən rayonu ərazisində, Quba istiqamətində hərəkətdə olan yük maşını idarəetməni itirərək beton maneələrə çırpılıb və yolun əks tərəfinə çıxıb.
Bu zaman qarşıdan gələn "VAZ 21015" markalı minik avtomobili ilə toqquşma baş verib.
Qəza nəticəsində minik avtomobilinin sürücüsü müxtəlif dərəcəli bədən xəsarətləri alıb.
Hadisə zamanı hər iki nəqliyyat vasitəsinə və yol təsərrüfatına ziyan dəyib. Əraziyə hüquq-mühafizə orqanlarının əməkdaşları cəlb olunub, faktla bağlı araşdırma aparılır.
