Bakı-Quba avtomobil yolunda piyadanın ölümü ilə nəticələnən yol-nəqliyyat hadisəsi baş verib.
Shimal.News xəbər verir ki, bu barədə Baş Dövlət Yol Polisi İdarəsinin İctimai Qurumlarla Əlaqə Bölməsi məlumat yayıb.
Bildirilib ki, hadisə iyulun 23-də saat 14:00 radələrində Bakı–Quba avtomobil yolunun 53-cü kilometrliyində qeydə alınıb. "VAZ-11173" markalı avtomobil yolu müəyyən edilməmiş yerdən keçməyə cəhd göstərən piyadanı vurub.
Nəticədə piyada aldığı xəsarətlərdən hadisə yerində həyatını itirib.
Baş Dövlət Yol Polisi İdarəsi yol hərəkəti iştirakçılarını, xüsusilə piyadaları diqqətli və məsuliyyətli olmağa çağırıb. Qeyd olunub ki, piyadalar yolu yalnız müəyyən edilmiş piyada keçidlərindən və təhlükəsizlik qaydalarına əməl etməklə keçməlidirlər.
Qurum vurğulayıb ki, yol hərəkətində təhlükəsizlik hər bir şəxsin məsuliyyətindən başlayır və bir anlıq ehtiyatsızlıq ağır, bəzən isə geri dönüşü olmayan faciələrlə nəticələnə bilər.
