Yağışlı hava şəraiti ilə əlaqədar Ağsuçaydan keçən sel suları Arat–Curuxlu–Maşadqanlı kənd avtomobil yolunun bir hissəsini yararsız hala salıb.
DİN-in mətbuat xidmətinin Şəki regional qrupundan bildirilib ki, hazırda Maşadqanlı kəndi ilə rayon mərkəzinin nəqliyyat əlaqəsində müəyyən məhdudiyyət yaranıb. Əraziyə polis və digər aidiyyəti qurumların əməkdaşları cəlb olunub, təhlükəsizlik tədbirləri görülür.
Yolun qısa müddətdə bərpası istiqamətində işlər davam etdirilir.
Sürücülərdən alternativ yollardan istifadə etmələri və təhlükəsizlik qaydalarına ciddi əməl etmələri xahiş olunur.
