Gəndob–Yalama avtomobil yolunun Şabran rayonu ərazisindən keçən hissəsində iri qovaq ağacının yola aşması nəqliyyatın hərəkətində ciddi çətinlik yaradıb.
Shimal.News xəbər verir ki, hadisə gecə saatlarında, rayonun Ağalıq kəndi yaxınlığında baş verib.
Böyük diametrli ağacın yolun hərəkət hissəsinə düşməsi nəticəsində avtomobillərin hərəkəti təxminən bir saat müddətində məhdudlaşıb. Xoşbəxtlikdən, hadisə zamanı xəsarət alan olmayıb. Görülən operativ tədbirlər nəticəsində qovaq ağacı kəsilərək traktor vasitəsilə yolun hərəkət hissəsindən kənarlaşdırılıb.
Maneə aradan qaldırıldıqdan sonra Gəndob–Yalama yolunda nəqliyyatın hərəkəti tam bərpa olunub.
