Armudpadar kəndindən Xudat istiqamətində gedən yolda minik avtomobilləri üçün təhlükə yaşanır. Bu haqda ShimalNews-a 12 oktyabr tarixində məlumat daxil olub.
Bu hal Qudyalçayın üzərindəki körpünün çökməsindən sonra başlayıb. Sürücülər bildirirlər ki, alternativ yollardan istifadə etməli olurlar:
“Bu yolun ensiz olması yük və minik avtomobillərinin eyni vaxtda hərəkət etməsi üçün təhlükədir. Hətta maşınlar dəfələrlə Xan kanalına düşüb. Əvvəllər əraziyə polis əməkdaşları nəzarət edirdilər. Onlar yük maşınlarının buradan keçmələrinə icazə vermirdilər. Sonra bunun üçün dəmir arka qoyuldu. Lakin artıq 2-ci dəfədir ki, o sındırılır və yük avtomobilləri üçün maneə aradan qaldırılır”.
