Şəkidə küçə və prospektlərin əsaslı təmiri işləri davam edir. Bəzi sakinlər görülən işlərdən razı qalsalar da, irad bildirənlər də var.
Bu barədə Shimal.News-a danışan yerli sakinlər bildiriblər ki, yollar, piyada səkiləri və suötürücü arxlar yenilənir, lakin bəzi hallarda işlər natamam şəkildə aparılır:
“Küçələrin hansı üsulla asfaltlanmasını bir kənara qoyaq. Amma vacib məqamları nəzərə almaq lazımdır. Məsələn, Aydın Məmmədov küçəsi asfaltlanıb. Bəli, sağ olsunlar, amma həmin küçənin kəsişməsində olan döngə nədənsə unudulub. Nəticədə həmin döngədən gələn daş-qum və palçıq yeni təmir olunan küçəni də qısa müddətə xarab edəcək. Burada ikinci döngə şəhidimizin yaşadığı küçədir. Həmin küçə də asfaltlanıb, amma 20 metrəlik döngə nəzərə alınmayıb.”, - deyə sakinlər bildiriblər.
Vətəndaşlar onu da vurğulayırlar ki, bəzən bir müddət əvvəl təmir edilən küçələr yenə asfaltlanır. Bunun əvəzinə resursları təmirsiz yollara yönəlmək daha məqsədəuyğun olardı.
Ayrı məqam il boyu gözləyib, bütün bu prosesin yağıntılı və soyuq havalar başlayanda görülməsidir.
Bütün bunları nəzərə alaraq vətəndaşlar aidiyyəti qurumlardan aşağıdakı məsələlərə diqqət yetirilməsini xahiş edirlər:
