Şabran şəhərinin Babək küçəsində yaşayan sakinlər yol problemindən əziyyət çəkirlər.
Bu barədə Shimal.News-a məlumat verən vətəndaşlar bildirirlər ki, xüsüsən yağışlı havalardan sonra küçə keçirilməz olur. Küçənin yolları uzun zamandır təmir edilmədiyi üçün çöküb və müxtəlif ölçülü çökəklər yaranıb.
Yağışlı havalarda isə çuxurlara dolan su hərəkəti tamamilə iflic edir. Şabran isə ölkənin şimalında yerləşən rayon olduğu üçün mövsümi yağışlar tez-tez yağır. Bu isə ilin müxtəlif aylarında sakinlərin hərəkətində ciddi problemlər yaradır. Avtomobillər tez-tez sıradan çıxdığı üçün sürücülər qazanclarının böyük hissəsini maşının təmirinə xərclədiklərini deyirlər.
