Qusardan olan Vətən müharibəsi şəhidi Şıxmir Ağamirovun doğulub boya-başa çatdığı küçə baxımsız qalıb. Bu barədə ShimalNews 9 fevral tarixində Real TV-yə istinadən xəbər verir.
Şəhid atası Qabil Ağamirov deyir ki, Şarvili küçəsinin yolu illərdir bərbad vəziyyətdədir. Onun oğlu 12 il hərbi xidmətdə olub və baş gizir idi. Artıq 3 ildir ki, Şuşanın azad edilməsi zamanı həlak olub. Bir dəfə də olsun icra hakimiyyətindən vəziyyətlə gəlib maraqlanan olmayıb.
Ətraf küçələrdə yaşayan sakinlər də bildirirlər ki, məsələ ilə bağlı müraciət etmədikləri qurum qalmayıb. Onların gördükləri isə yalnız biqanə münasibət olub.
RİH başçısının Qusar şəhəri üzrə nümayəndəsi Nahid Arazov bildirib ki, Şarvəli və daha 3 küçə bu il asfaltlanacaq.
Oxşar halı Səməd bəy Mehmandarov və Əmir Mustafayev küçələrinin sakinləri də yaşayır. Halbuki onlara 3 il qabaq asfalt salınacağı sözü verilmişdir.
