Qusar rayonunda ölümlə nəticələnən yol-nəqliyyat hadisəsi baş verib. Bu barədə ShimalNews 19 iyul tarixində Daxili İşlər Nazirliyinə istinadən məlumat verir.
İyulun 18-i saat 22:00 radələrində Şirvanlı kəndi ərazisində yolu keçən rayon sakini Siracəddin Fəttahovu “Hyundai” markalı avtomobil vurub. Nəticədə piyada hadisə yerində ölüb.
Məlum olub ki, sükan arxasında Xaçmaz rayon sakini P.İsgəndərov olub.
Qusar Rayon Polis Şöbəsində araşdırma aparılır.
