Xaçmaz rayonunun Köhnə Xaçmaz kəndi ərazisindən keçən Qudyalçayda baş verən sel nəticəsində çayın sahili bir neçə hissədə aşıb. Sahilin uçması nəticəsində çaya yaxın yerləşən yaşayış evləri üçün ciddi təhlükə yaranıb.
Shimal.News-a danışan sakinlərin sözlərinə görə, sel suları sahili yuyaraq uçurub. Onlar bildirirlər ki, əraziyə aidiyyəti qurumların nümayəndələri baxış keçirərək ilin sonunadək burada beton bəndin inşa olunacağını deyiblər.
Kənd sakinləri isə işlərin tezliklə başlanmasını istəyirlər. Onlar bildirirlər ki, sahildə uçqun davam etdiyi üçün beton bəndin tikintisi gecikərsə, çaya yaxın evlərin təhlükə altında qalma ehtimalı daha da artacaq.
