Quba şəhərinin Heydər Əliyev prospektində sürücülər arasında çaşqınlıq yaradan yol nişanı ilə bağlı yayımladığımız xəbərdən sonra problem aradan qaldırılıb.
Shimal.News-un məlumatına görə, məsələ ilə bağlı müvafiq qurum tərəfindən tədbir görülüb və yol nişanı düzəldilib.
Bununla da prospektin əsas yolunda hərəkət edən sürücülərin qarşısında yaranan anlaşılmazlıq aradan qaldırılıb.
Daha əvvəl yayımladığımız materialda "Yol ver" və "Yalnız sağa hərəkət" nişanlarının yerləşdirilməsinin sürücülər arasında çaşqınlıq yaratdığı bildirilmişdi. Xüsusilə əsas yolda hərəkət edən avtomobillərin sağa yönləndirilməsi sual doğurmuşdu.
Sakinlərin müraciətindən sonra məsələ diqqətə çatdırılıb və nişanın istiqaməti düzgün vəziyyətə gətirilib.
Beləliklə, sürücülərin narazılığına səbəb olan problem həllini tapıb.
