Bakı-Quba-Rusiya dövlət sərhədi avtomobil yolunun 181-ci kilometrliyində yerləşən körpü avtomobil sürücülərinin həyatlarını təhlükəyə atır. Bu barədə ShimalNews 19 iyun tarixində Baku TV-yə istinadən məlumat verir.
Bu hal Qusarçayın üzərində, Qubanın Yeni Güləzi kəndi ərazisində müşahidə olunur. Sözügedən körpü 1972-ci ildə inşa olunub. Qəzalı vəziyyətdə olduğuna görə yaxınlıqdan alternativ yol çəkilib. Sürücülər deyirlər ki, 3-4 gündən sonra sel onu da yuyub apardı.
“Bu yol elə yoldur ki, buradan istifadə etmək məcburiyyətində oluruq, çünki işə gedib-gəlirik, Quba-Xudat və SDK yollarını birləşdirir. Bura turistik zonadır, Nabrana getmək üçün buradan istifadə edilir. Lakin körpü çox pis vəziyyətdədir, dua edə-edə keçirik ki, nəsə olmasın, çünki çox təhlükəlidir. Ağır tonnajlı maşınlar da buradan keçir və istər-istəməz təhlükə yaranır”, - deyə sakinlər bildiriblər.
Məsələ ilə bağlı Azərbaycan Avtomobil Yolları Dövlət Agentliyindən bildirilib ki, körpü yaxın müddət ərzində əsaslı təmir olunacaq.
[video width="640" height="360" mp4="https://shimal.news/storage/photos/2024/06/videoplayback_1.mp4"][/video]
