Bakı-Quba-Rusiya ödənişli yolunda ölümlə nəticələnən qəza baş verib. Bu haqda ShimalNews 29 noyabr tarixində “Qafqazinfo”ya istinadən məlumat verir.
Yol-nəqliyyat hadisəsi avtomagistralın Xaçmaz rayonu ərazisindən keçən hissəsində qeydə alınıb. İdarəetmədən çıxan "Nissan" markalı avtomobil yolun kənarına aşıb. 55 yaşlı Təranə Babayeva yerindəcə ölüb, 59 yaşlı Xalis Babayev müxtəlif dərəcəli xəsarətlər alıb. Yaralı xəstəxanaya çatdırılıb.
Qəzanın baş verməsinə ilkin səbəb kimi yüksək sürət göstərilir. Faktla bağlı araşdırma aparılır.
