Ölkə ərazisində hava şəraiti kəskin dəyişib. Əksər rayonlarda yağış yağır, bəzi yerlərdə leysan xarakterli intensiv yağıntı müşahidə olunur, şimşək çaxır. Dağlıq ərazilərə isə qar yağıb.
Bu barədə Shimal.News-a Milli Hidrometeorologiya Xidmətindən məlumat verilib.
Məlumata görə, oktyabrın 3-nə olan vəziyyətə əsasən Qrız, Xınalıq, Qusar və Şahdağda qar qeydə alınıb.
Rayonlarda ən çox yağıntı Qəbələdə qeydə alınıb – 72 mm. Sarıbaşda (Qax) 50, Oğuzda 41, Xaltanda 37, Kişçayda (Şəki) 36, Şahdağda 33, Qusarda 28, Xınalıqda və Zaqatalada 27, Xızıda 25, Qrızda 22 mm yağıntı düşüb.
Bundan başqa, Balakəndə 19, İsmayıllıda 11, Şamaxı və Qubada 10 mm, digər rayonlarda isə 1-8 mm yağıntı qeydə alınıb.
Bəzi yerlərdə şimal-qərb küləyi də güclənib. Küləyin maksimal sürəti Şahdağda 20 m/s-dək yüksəlib.
