Quba-Bakı istiqamətində magistal yolun 51-61-ci km-lik hissəsində nəqliyyat vasitələrinin hərəkəti qısa müddətlik məhdudlaşdırılacaq. Bu barədə ShimalNews 29 sentyabr tarixində Azərbaycan Avtomobil Yolları Dövlət Agentliyinə istinadən məlumat verir.
Həmin ərazidə sentyabrın 30-u səhər saatlarından asfalt-beton örtüyünün aşınma layının döşənməsi işlərinin icrasına başlanılacaq. Bu müddətdə ərazidə əks-istiqamət üzrə nəqliyyat vasitələrinin 2 (iki) tərəfli hərəkəti təmin ediləcək.
Təhlükəsizlik tədbirləri çərçivəsində müvafiq nişanlanma xətlərinin çəkilişi və müvəqqəti yol nişanlarının quraşdırılması işləri yerinə yetiriləcək.
