Quba-Bakı istiqamətində magistral yolun deformasiyaya uğramış hissəsinin yenidən qurulması işləri davam edir. Bu barədə ShimalNews 9 avqust tarixində Azərbaycan Avtomobil Yolları Dövlət Agentliyinə istinadən məlumat verir.
Aparılan işlər zamanı yolun hərəkət hissəsinin yararsız monolit-betonu dağıdılaraq ərazidən kənarlaşdırılır. Bu işlərin ardınca yol əsasının uyğun olmayan qruntu çıxarılır. Bəzi ərazilərdə qazıntı 2.5 metrə qədər dərinlikdə icra olunur. Daha sonra qazılmış əraziyə yararlı qrunt tökülür və xüsusi texnikalardan istifadə olunmaqla kipləşdirmə işləri görülür, yeni yol yatağı inşa edilir.
Beləliklə, artıq yola yeni asfalt-beton örtüyünün döşənməsinə start verilib. Prosesin cari ilin sonuna qədər yekunlaşdırılması planlaşdırılır.
