Bakı-Quba yolunda ağır yol-nəqliyyat hadisəsi ilə bağlı məhkəmə qərar çıxarıb. Bu haqda ShimalNews 10 oktyabr tarixində məlumat verir.
Qəza fevral ayında Siyəzən rayonunun Beşdam kəndində baş vermişdir. Quba istiqamətində hərəkətdə olan “Mercedes Vito” markalı mikroavtobus idarəetməni itirərək əks-istiqamətdə hərəkətdə olan “Opel” markalı avtomobilə çarpılmışdır. Nəticədə 3 nəfər ölmüş, 7 nəfər isə müxtəlif dərəcəli bədən xəsarətləri almışdır.
“Mercedes Vito”nun 39 yaşlı sürücüsü Vüqar Abdullayev Cinayət Məcəlləsinin 263.3-cü maddəsi ilə təqsirləndirilib. Ona 5 il 6 ay həbs cəzası verilib.
