Ətraf mühitə normadan artıq zərərli maddələr atan avtomobillərin istismarının qarşını alınması məqsədilə “Təmiz hava” aylığı adlı nəzarət tədbirləri keçirilib.
DİN-in Mətbuat Xidmətindən Shimal.News-a verilən məlumata görə, yoxlamalar Şabran, Xızı, Quba və digər rayonlarda təşkil olunub.
Həmin vaxt Dövlət Yol Polisi və Ekologiya və Təbii Sərvətlər Nazirliyinin əməkdaşları tərəfindən atmosferə normadan artıq zərərli maddələr buraxan avtomobil sürücüləri ilə maarifləndirmə xarakterli söhbətlər aparılıb. Eləcə də kobud qayda pozuntuları ilə bağlı qanunvericiliyə uyğun tədbirlər görülüb.
