Şabran şəhəri M.Ə.Rəsulzadə küçəsində yerləşən körpünün altında və ətrafında ekoloji fəlakət yaşanır.
Yerli sakinlər Shimal.News-a bildiriblər ki, həmin ərazidə zibil qutuları yoxdur. Zibil qutularına sadəcə mərkəzi küçələrdə rast gəlmək mümkündür. Bu səbəbdən burada yaşayanlar və avtovağzal ətrafındakı ictimai iaşə obyektləri tullantıları Şabrançaya atırlar.
“Bu çayın suyundan mal-qara içir. Yaranan vəziyyət çox acınacaqlıdır”,- deyə vətəndaşlar bildiriblər.
Qeyd edək ki, Şabrançayın üzərindəki körpünün piyadalar üçün olan hissəsi həm də qəzalı vəziyyətdədir. Keçidin taxtaları çürüyüb, kənarlarındakı dəmir məhəccərlər sınıb, dağılıb.
Shimal.News[/caption]
