Ölkəmizdə son illərdə ən sürətlə inkişaf edən təsərrüfat sahələrindən biri də arıçılıqdır. Lakin bu sahədəki inkişafla yanaşı, arıçıları narahat edən bir sıra çətinliklər də ortaya çıxır.
ATV xəbərin məlumatına görə, bu çətinliklərdən biri də Bozdağ-Qafqaz arısının nəslinin kəsilmək təhlükəsidir.
Məhz bu səbəbdən Zaqatala rayonunda sözügedən arı növünün qorunması məqsədilə damazlıq təsərrüfat yaradılıb.
Təcrid olunmuş 3 min hektar ərazidə yerləşən bu arıxanada hər il yüzlərlə ana arı yetişdirilir.
7 il əvvəl yaradılan bu təsərrüfatın daha da inkişaf etdirilməsi planlaşdırılır. Əsas məqsəd isə Bozdağ-Qafqaz arısının genofondunu qorumaqdır.
