Noyabrın əvvəlində sabit qalan balın qiyməti ayın 10-da yüksəlib. Bir kiloqram məhsulun orta qiyməti 32 manat 50 qəpiyə çatıb.
Shimal.News xəbər verir ki, Quba, Qusar, Xaçmaz və Zaqatala da daxil olmaqla Şimal bölgəsində arıçılıq təsərrüfatlarının məhsullarına maraq fonunda balın qiymət dinamikası diqqət çəkir.
Satış elanlarının qiymət indeksinə əsasən, oktyabrın 29-da balın orta qiyməti 30 manat/kq olub. Noyabrın 9-dək bu göstərici dəyişməyib. Noyabrın 10-da isə orta qiymət 32 manat 50 qəpiyə yüksəlib. Bu, 12 gün ərzində 2 manat 50 qəpik və ya təxminən 8,3 faiz artım deməkdir.
Qeyd edək ki, göstərilən rəqəmlər satıcıların elanlarda təklif etdiyi qiymətlərin median göstəricisidir. Bu məbləğlər faktiki satış qiyməti kimi qəbul edilməməlidir. Balın növü, mənşəyi və keyfiyyəti də satış qiymətinə təsir edə bilər. Bazarda məhsulun 25–40 manat/kq aralığında dəyişən qiymətlərinə rast qəlmək olar.
