Quba rayonunun Tüləkəran kəndində baş verən qəza nəticəsində 23 yaşlı Fəqan Ədilov həyatını itirib, sürücü və digər sərnişin xəstəxanaya yerləşdirilib.
Məlumata görə, noyabrın 10-da saat 01:00 radələrində 31 yaşlı Nurəli Vidadi oğlu Əlirzayevin idarə etdiyi "Lada Niva" markalı avtomobilin idarəetmədən çıxaraq dərəyə aşması nəticəsində baş verib.
Qəza zamanı sürücü Nurəli Əlirzayev və avtomobildə olan sərnişinlər – 23 yaşlı Fəqan Ədilov və 21 yaşlı Nuray Ədilov ağır xəsarətlər alıblar.
Yaralılar Quba Rayon Mərkəzi Xəstəxanasına aparılarkən Fəqan Ədilov yolda dünyasını dəyişib. Sürücü və digər sərnişin isə xəstəxanaya yerləşdiriliblər.
Bildirilir ki, ölən və xəsarət alan şəxslər Tüləkəran kənd sakinləridir.
Faktla bağlı Quba Rayon Polis Şöbəsinin İstintaq Bölməsində araşdırma aparılır.
Mənbə: Bizim.Media
09:10
Qubada avtomobil dərəyə aşıb, bir nəfər ölüb, iki nəfər xəsarət alıb.
Qəza noyabrın 10-da saat 01:10 radələrində Tüləkəran kəndi ərazisində baş verib.
"Lada Niva" markalı avtomobilin sürücüsü idarəetməni itirib və nəqliyyat vasitəsi dərəyə aşıb.
Hadisə nəticəsində sürücü və iki sərnişin müxtəlif dərəcəli xəsarətlər alıb. Sərnişinlərdən biri xəstəxanaya çatdırılarkən yolda vəfat edib.
Faktla bağlı araşdırma aparılır.
Mənbə: Apa.аz
