Qəbələ şəhərin 20 yanvar küçəsinin yaxınlığından keçən çayın məişət tullantıları ilə çirkləndirilməsi ərazidə antisanitar vəziyyət yaradıb.
Bu barədə Shimal.News-a sakinlər məlumat veriblər.
Onların sözlərinə görə, Qaraçayın həm məcrası, həm də sahilboyu ərazilər məişət tullantıları ilə dolub. Sakinlər bildirirlər ki, ərazidə antisanitar vəziyyət hökm sürür. İddia olunur ki, bəzi tullantılar məqsədyönlü bura atılır.
Vətəndaşlar aidiyyəti qurumları məsələyə müdaxilə etməyə, çayın və ətraf ərazinin təmizlənməsini təmin etməyə, əməli törədənlərə qarşı tədbir görməyə çağırıblar.
