Xaçmaz rayonunda yerləşən inzibati binada yanğın baş verib. Bu haqda ShimalNews 29 noyabr tarixində Fövqəladə Hallar Nazirliyinə (FHN) istinadən məlumat verir.
Hadisə Xudat şəhərindəki ümumi sahəsi 120 kv. m olan birmərtəbəli 5 otaqlı tikilidə qeydə alınıb. Nəticədə sahəsi 30 kv.m olan elektrik otağının döşəməsi 6 kv.m sahədə və 3 p.m elektrik kabeli yanıb.
Əraziyə yanğından mühafizə bölmələri cəlb edilib. Onlar alovu söndürərək, binanın qalan hissəsini mühafizə ediblər.
