Dövlət Turizm Agentliyi “Xınalıq və Köç yolu” Dövlət Tarix-Mədəniyyət və Etnoqrafiya Qoruğuna mediatur təşkil edib. Bu haqda ShimalNews 27 sentyabr tarixində məlumat verir.
Kütləvi informasiya vasitələrinin 50-yə yaxın əməkdaşı UNESCO-nun Mədəni İrs siyahısına daxil edilən mədəni landşaftla tanış olub. Onlar bu ərazinin Ümumdünya İrsi elan edilməsinin üstünlükləri və turizm potensialına təsiri ilə bağlı məlumatlandırılıblar.
Qoruq ərazisində zəngin mədəni turizm resursları var. Onların sayəsində unikal mədəni və təbiət turizm məhsulları yaradılması mümkün olacaq. Bu da öz növbəsində özünüməşğulluğun inkişaf etməsinə səbəb olacaq.
“Xınalıq və Köç yolu” qoruğu Xınalıq kəndini və 6 rayonun ərazisindən keçən, 200 km-dən çox uzunluğu olan Köç yolunu əhatə edir. Onun yaradılması həm yaylaq, həm qışlaq, həm də mövsümi köç yolunda ekoturizmin inkişafına xidmət edəcək, burada kempinq, haykinq kimi turizm məhsullarını əhatə edən turizm sənayesinin inkişafına təkan verəcək.
“Azərbaycanın Regionlarında Dayanıqlı Turizmin İnkişafına Dəstək” layihəsi çərçivəsində Xınalıqda turistlərə qonaq evi istiqamətində xidmət göstərən 16 sahibkara su qızdırıcısı, soba və qaz plitəsi təqdim olunub.
[caption id="attachment_49321" align="alignnone" width="640"]
Foto Dövlət Turizm Agentliyi[/caption]
[caption id="attachment_49319" align="alignnone" width="640"]
Foto Dövlət Turizm Agentliyi[/caption]
[caption id="attachment_49318" align="alignnone" width="640"]
Foto Dövlət Turizm Agentliyi[/caption]
[caption id="attachment_49317" align="alignnone" width="640"]
Foto Dövlət Turizm Agentliyi[/caption]
[caption id="attachment_49313" align="alignnone" width="640"]
Foto Dövlət Turizm Agentliyi[/caption]
[caption id="attachment_49312" align="alignnone" width="640"]
Foto Dövlət Turizm Agentliyi[/caption]
