Qubada xaricdə təqaüd qazanmaq istəyən gənclər üçün görüş keçiriləcək. Bu haqda ShimalNews 4 oktyabr tarixində məlumat verir.
Tədbir “Stipendium Hungaricum in Azerbaijan” adlı layihə çərçivəsində keçiriləcək. Bura ali təhsil müəssisələrinin tələbələri qatıla bilərlər. Onlara təqaüd proqramı haqqında və Macarıstanda təhsil imkanları barədə məlumat veriləcək.
Layihə Macarıstanın Azərbaycandakı Səfirliyi, Azərbaycan Respublikası Elm və Təhsil Nazirliyi və Azərbaycan-Macarıstan Məzunlar Birliyinin birgə təşkilatçılığı ilə hazırlanıb. Mərasim “Stipendium Hungaricum” təqaüd proqramının 10 illiyi münasibətilə keçirilir.
