Xaçmazda Vətən müharibəsi şəhidi Günəş Qocayevin ailəsi ziyarət olunub. Bu barədə ShimalNews 8 avqust tarixində Xaçmaz Regional Mədəniyyət İdarəsinə istinadən məlumat verir.
Tədbir bugün Qaradağlı, Palçıqoba, Qusarçay, Qımılqışlaq, Qadaşoba , Müzəffəroba, Canaxır, Ağyazı, Nağıoba, Ağarəhimoba kənd kitabxana filialları əməkdaşlarının və gənclərin iştirakı ilə keçirilib.
Günəş Qocayev 1996-cı il noyabrın 12-də Xaçmaz rayonunun Palçıqoba kəndində anadan olub.
O, 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı Füzuli, Cəbrayıl, Xocavəndin azadlığı uğrunda gedən döyüşlərdə savaşıb. Günəş oktyabrın 31-də Xocavənd döyüşləri zamanı şəhid olub. Xaçmaz rayonunda dəfn edilib.
