Xaçmazın icra başçısı Elnur Rzayev Ləcət kəndində səyyar qəbul keçirib. Bu barədə ShimalNews 19 iyul tarixində quruma istinadən məlumat verir.
Görüşdə yerli hüquq mühafizə orqanlarının və müxtəlif xidmət təşkilatlarının rəhbələri iştirak ediblər. Burada vətəndaşlar müraciət və təkliflərini səsləndiriblər. Sakinlər elektrik təsərrüfatının yenilənməsi, kəndlərarası yolun təmir, müxtəlif vaxtlarda inşa edilən fərdi yaşayış evlərinin sənədləşdirilməsinə köməklik göstərilməsi və digər məsələlərlə bağlı müraciətlərini bildiriblər.
E.Rzayev onları narahat edən məsələlərin aradan qaldırılması istiqamətində müvafiq tapşırıqlarını verib. Bir çox müraciətlər yerindəcə həll edilib.
