Xaçmaz rayonunda kürsülü evdə 1 nəfərin xəsarət alması ilə nəticələnən yanğın qeydə alınıb. Bu barədə ShimalNews 19 iyul tarixində Fövqəladə Hallar Nazirliyinə istinadən məlumat verir.
Hadisə Üçgünqışlaq kəndində, ümumi sahəsi 180 kv.m olan birmərtəbəli 4 otaqlı evdə baş verib. Tikilinin mətbəxində lambirdən ibarət tavan 16 kv.m sahədə, 1 ədəd soyuducu və qismən 1 ədəd paltaryuyan maşın alovlanıb. Yanğın zamanı 1 nəfər yanıq xəsarəti alıb. Alov FHN-in bölmələri tərəfindən söndürülüb.
