Xaçmazda Strateji Obyektlərin Mühafizəsi Dövlət Agentliyinin (SOMDA) 30 illik yubileyi keçirilib. Bu barədə ShimalNews 23 avqust tarixində Rayon İcra Hakimiyyətinə istinadən məlumat verir.
Tədbir Heydər Əliyevin abidəsini ziyarətlə başlayıb. RİH-nin başçısı Elnur Rzayev strateji obyektlərin mühafizəsi orqanlarının əməkdaşlarını peşə bayramları münasibətilə təbrik edib.
İcra başçısı çıxışında ölkədə strateji obyektlərin, xüsusilə ixrac boru kəmərlərinin mühafizəsinin və təhlükəsizliyinin təmin olunması sahəsində SOMDA-nın əməkdaşlarının xüsusi rolundan danışıb.
Sonda xidmətdə fərqlənən əməkdaşlara RİH-nin fəxri fərmanları təqdim olunub.
Azərbaycan Respublikası Prezidentinin Təhlükəsizlik Xidməti — birbaşa prezidentə tabe olan xüsusi hərbi hissədir. 16 mart 2020-ci ildə Prezidentin Sərəncamına əsasən, Xüsusi Dövlət Mühafizə Xidməti ləğv edilib, əvəzində isə Azərbaycan Respublikası Prezidentinin Təhlükəsizlik Xidməti, Xüsusi Rabitə və İnformasiya Təhlükəsizliyi Dövlət Xidməti və Strateji Obyektlərin Mühafizəsi Dövlət Agentliyi yaradılıb.
