Sahibsiz itlərə görə Xaçmazın Mədəniyyət və İstirahət Parkı təhlükəli əraziyə çevrilib.
Shimal.News redaksiyasına müraciət edən sakinlər bildiriblər ki, daha əvvəlki kimi parkda rahat gəzmək mümkün deyil.
“Uşaqları parka tək buraxmağa qorxuruq. Heç kim küçə itlərinin hücumundan sığortalanmayıb. Bu yaxınlarda qonşu rayonlarda baş verən it qapma hallarına baxmayaraq bizim rəsmi qurumlar hələ də məsuliyyətsiz davranırlar. Park rayonun tam mərkəzində, icra hakimiyyətinin burnunun dibində yerləşir. Yəni hər gün icra hakimiyyətinin əməkdaşları bu anarxiyanın içindən keçib işə gedirlər”, - deyə sakinlərdən biri vurğulayıb.
