Bu il Xaçmazın şaftalı bağlarında məhsuldarlıq yüksəkdir. Bu barədə ShimalNews 15 iyul tarixində Azərtac-a istinadən məlumat verir.
Yerli təsərrüfatçılar iyul ayının ilk günlərindən şaftalı yığımına başlayıblar. Hazırda bağlardan şaftalının “Zolotoy”, “Fədai” və “Nektarin” kimi tezyetişən sortları yığılır.
Məhsulun çox hissəsi Rusiya Federasiyasına ixrac edilir. Ölkə ərazisində şaftalının 1 kiloqramı 0.8-1.5 manata satılır.
“Şaftalı bağımızda bir neçə gündür məhsul yığımına başlamışıq. İndi ağ “Fədai” sortunu toplayırıq. Bu şaftalının hər kiloqramını bizdən yerində 1 manata alırlar. Qiymət meyvənin ölçüsündən asılıdır. İri şaftalı daha yüksək qiymətə alınır. Yığılan məhsullar, əsasən yerli və Rusiya bazarlarında satılır. Məhsuldarlıq ötən illə müqayisədə aşağı olsa da, ümumilikdə yaxşıdır. Əsas odur ki, alıcı yetərincədir. Qiymət də yaxşıdır”, - deyə təsərrüfatçı Bilal Yəhyayev söyləyib.
