Xaçmazda ov qaydalarını pozduqlarına görə sakinlər saxlanılıblar. Bu barədə ShimalNews 9 oktyabr tarixində Ekologiya və Təbii Sərvətlər Nazirliyinə istinadən məlumat verir.
Dövlət Ekoloji Təhlükəsizlik Xidmətinin əməkdaşları yoxlama tədbirləri keçiriblər. Nəticədə rayon sakinləri Məzahir Kərimov və Anar Sultanov tutulublar. Onlardan istifadəsi qadağan olunmuş ov alətləri götürülüb.
Həmin şəxslər barəsində akt, protokol tərtib edilərək, qanunamüvafiq tədbirlər görülüb.
Daha öncə Xaçmazda “Qırmızı Kitab”a düşən quşu ovlamaq istəyən şəxsin saxlanılması haqqında məlumat vermişdik.
