Xaçmazda toxuculuqla məşğul olan qadınlar öz kiçik bizneslərini uğurla davam etdirirlər. Bu barədə ShimalNews 9 avqust tarixində Xaçmaz Qadın Resurs Mərkəzinə istinadən məlumat verir.
Adıçəkilən mərkəzin üzvləri Arzu Zeynalova və Samirə Allahverdiyeva təlimləri bitirərək işlərini qurublar. Hazırda onlar rayonun öndə gedən restoranlarından birində hər gün öz əl işlərinin satışını həyata keçirirlər.
Samirə bildirib ki, onun həyat yoldaşı bu məşğuliyyətə hörmətlə yanaşıb və hətta dəstək verməyə başlayıb.
Arzu xanım isə mərkəzə üzv olmanın ona bir çox imkanlar yaratdığını deyib. Beləliklə, o, həm satışlarını artırıb, həm də onlayn platformalarda öz məhsulunu reklam edə bilir.
Bütün bu işlər “USAİD/Azerbaijan”-nın maliyyələşdirdiyi və BMTİP ilə Ailə, Qadın və Uşaq Problemləri üzrə Dövlət Komitəsinin birgə icra etdiyi "Sahibkarlığa və Məşğulluğa İqtisadi Dəstək" layihəsi çərçivəsində görülüb.
