Xaçmaz Regional Qaz İstismarı İdarəsində masaüstü mülki müdafiə məşqi keçirilib. Bu barədə ShimalNews 22 iyul tarixində Fövqəladə Hallar Nazirliyinə istinadən məlumat verir.
Təlim “Fövqəladə hadisələrin nəticələrinin aradan qaldırılması zamanı mülki müdafiə orqan və qüvvələrinin idarə edilməsinin təşkili” mövzusunu əhatə edib. Məşqdə FHN-in Şimal Regional Mərkəzinin Mülki müdafiə idarəsinin əməkdaşları və Xaçmaz Regional Qaz İstismarı İdarəsinin Mülki müdafiə qərargahının rəhbərliyi iştirak ediblər. Burada şərti olaraq verilmiş siqnallar üzrə görülmüş işlər təhlil edilib və bu istiqamətdə tövsiyələr verilib.
Tədbir FHN-in Şimal Regional Mərkəzi tərəfindən təşkil olunub.
