Xaçmaz-Xudat yolunda meşəlikdə baş verən yanğın nəzarət altına alınıb. Bu barədə ShimalNews 12 iyul tarixində məlumat verir.
Fövqəladə Hallar Nazirliyindən verilən məlumata görə, hazırda görülmüş zəruri və təxirəsalınmaz tədbirlər təhlükənin qarşısını alıb. Ətraf sahələr və kommunikasiya obyektləri üçün təhlükə yoxdur.
Ərazidə monitorinq aparılır. Avtomobil yolunda hərəkət bərpa edilib.
Dünən adıçəkilən ərazidə yanğının başlaması haqqında məlumat vermişdik. FHN-in 2 helikopteri və “BE-200ÇS” amfibiya tipli təyyarəsi yanğınsöndürmə işlərinə cəlb olunmuşdur. Təhlükəsizlik baxımından rayon ərazisində elektrik təminatı dayandırılmışdır.
