Xaçmazda 14 yaşlı qıza qarşı seksual xarakterli hərəkətlər edilib.
Shimal.News-un əldə etdiyi məlumata görə, hadisənin istintaqı Qusar Rayon Məhkəməsində keçirilib.
Belə ki, təqsirləndirilən Zaur Əfəndiyev (ad şərtidir) 2006-cı ildə Qusar rayonunda doğulub. O, ötən ilin avqust ayında 2010-cu il təvəllüdlü zərərçəkmiş Sevda Qasımovanı (ad şərtidir) yaşadığı evə aparıb. Öz cinsi ehtirasını təmin etmək üçün qızın razılığı ilə ona qarşı seksual hərəkətlər edib.
Bununla da Zaur Əfəndiyev Azərbaycan Respublikası CM-nin 152.1-ci (yetkinlik yaşına çatmayan qıza qarşı seksual hərəkətlər) maddəsi ilə təqsirləndirilib.
Məhkəmədə təqsirləndirilən şəxs qismində dindirilən Zaur Əfəndiyev ona qarşı irəli sürülən ittiham üzrə özünü təqsirli bilib:
“Sevdanı “İnstagram” sosial şəbəkəsi vasitəsilə tanımışam. Bir müddət telefonla danışıb, tanış olduqdan 2 ay sonra görüşmək qərarına gəldik. Hadisə günü səhər saat 6-ya işləmiş onun görüşüb, taksi ilə mənim evimə getdik.
Evdə olarkən onunla söhbət edib, həmçinin sevişdik. Sevdanın 14 yaşı olduğunu, 9-cu sinifdə oxuduğunu bilirdim. Qıza qarşı heç bir zor tətbiq etməmişəm. Aramızda olanların hamısı könüllü olub. Hadisədən sonra Sevdanın valideynləri ilə barışmağa cəhd etdim, lakin razı olmadılar. Əməlimdən peşmanam”.
Daha sonra məhkəmədə zərərçəkmiş Sevda Qasımova ifadə verib. O, Zaur Əfəndiyevin ifadəsini təsdiqləyib:
“Zaurla sosial şəbəkədə tanış olduq. Danışdığımız zaman yaşımı, neçənci sinifdə oxuduğumu demişdim. Hadisə onun danışdığı kimi olub. Həmin gün səhərə yaxın evdən çıxıb Zaurla görüşüb, taksi ilə onun evinə getdik. Evdə mənim razılığım ilə sevişmişik”.
Məhkəmə iclasında zərərçəkmiş şəxsin qanuni nümayəndəsi ifadə verərək göstərib:
“Qızım hazırlıq kursuna gedib-gəlirdi. Onun gecə saatlarında evdən çıxması halları heç vaxt olmayıb. Avqustun 21-i səhər tezdən oyanıb Sevdanın evdə olmadığını görüb DİN-nin “102” xidmətinə məlumat verdim. Günorta saatlarında qızım evə qayıtdıqda bütün hadisəni mənə danışdı. Zaurla barışıq yoxdur, ona cəza təyin edilməsini istəyirəm”.
Məhkəmənin qərarı ilə Zaur Əfəndiyev 1 il müddətinə azadlıqdan məhrum edilib.
Fidan İlqar
